د ملي تجار الحاج محمد عیسی عمري د هڅو، ابتکار او دوامدار لیدلوري په پایله کي عمري تجارتي او ساختماني شرکت د هلمند ولایت په کچه د یو مخکښ، باوري او څو اړخیز خصوصي شرکت په توګه بنسټ اېښودل سوی او فعال دی. دا شرکت د خپل فعالیت له پیل راهیسي هڅه کړې چي د خلکو د اړتیاوو، د سیمي د اقتصادي حالت او د عصري پرمختګونو له مخي په بېلابېلو برخو کي معیاري، اغېزمن او دوامداري پروژې پلي کړي دي. عمري تجارتي او ساختماني شرکت دا مهال د ساختماني، تجارتي، روغتیايي، تعلیمي، صنعتي او ټولنیزو خدماتو په ډګرونو کي لسګونه لویې او مهمي پروژې عملي کړي دي، چي له برکته یې زرګونه کسان په مستقیم او غیر مستقیم ډول د کار په مختلفو برخو کي بوخت دي. د شرکت موسس، ملي تجار الحاج محمد عیسی عمري، د شفاف مدیریت، معیاري خدماتو او دوامدار پرمختګ پر اصلونو ټینګ باور لري ، نوموړی هڅه کوي چې د عصري ساختماني معیارونو، منظم ښاري پلان، اغېزمنو تجارتي فعالیتونو او ټولنیز مسئولیت له لاري د هلمند ولایت او شاوخوا سیمو د اقتصادي ودي ښاري پراختیا او ټولنیزي سوکالۍ لپاره مهم او اغېزناک رول ولوبوي. عمري تجارتي او ساختماني شرکت نه یوازي د ودانیو او پروژو په جوړولو بسنه کوي، بلکي هڅه کوي چي د خلکو لپاره د کار زمینې، د ژوند اسانتیاوي، روغتیايي او تعلیمي خدمات، او معیاري تجارتي چاپېریالونه رامنځته کړي، تر څو یو باوري، منظم او دوامدار راتلونکی جوړ سي.